Վալերի Գազաևը կարծիք է հայտնել Սանկտ Պետերբուրգի «Զենիթի» և Ռուսաստանի ազգային հավաքականի հարձակվող Արտյոմ Ձյուբայի մասին։
«Կարծում եմ՝ Ձյուբայի կարիերան կարելի է բաժանել երկու մասին՝ Աշխարհի առաջնությունից առաջ և հետո։ Ռուսաստանի հավաքականի կազմում տնային հաջող Մունդիալը մեծ ազդեցություն ունեցավ նրա ֆիզիկական և մտավոր ունակությունների վրա։
Ինչ վերաբերում է կարիերան այլ երկրում շարունակելուն, ապա եթե օրինակ նրան հրավիրեն Մադրիդի «Ռեալից», պետք է գնալ»,-Գազաևի խոսքերն է մեջբերում Sport-express.ru-ն։
Ձյուբան 2015 թվականից հանդես է գալիս «Զենիթի» կազմում։
