«Բարսելոնայի» գլխավոր մարզիչ Չավին զբաղված է այն խաղացողին գտնելով, որն ակումբից տեղեկություններ է հաղորդում լրագրողներին։ Այս մասին հայտնում է El Chiringuito TV-ն X սոցիալական ցանցում (նախկինում՝ Twitter):
Աղբյուրի համաձայն՝ մարզիչը սոցիալական ցանցի մեսենջերներից մեկում ստուգել է աշխատակիցների պրոֆիլները։ Նշվում է, որ նա փնտրում է լրագրողների կոնտակտներ։ Ընդգծվում է, որ ակումբից «արտահոսած» լուրերը ճիշտ են։ Բացի այդ, ինքը՝ Չավին, զանգահարել է լրագրողներին ու նրանց աղբյուրների մասին հարցրել։ Հաղորդվում է, որ այդ ֆուտբոլիստին այդպես էլ չի հայտնաբերվել։
«Բարսելոնան» Իսպանիայի Պրիմերայի 2023/2024 մրցաշրջանի մրցաշարային աղյուսակի երրորդ հորիզոնականում է։ Թիմը 25 խաղում վաստակել է 54 միավոր։
Այսօր՝ փետրվարի 21-ին, Չեմպիոնների լիգայի 1/8 եզրափակչում «Բարսելոնան» կհանդիպի իտալական «Նապոլիի» հետ։ Խաղը կմեկնարկի Երևանի ժամանակով 00:00-ին:
