«Բարսելոնայի» մարզական տնօրեն Դեկուն խոսել է 18-ամյա բրազիլացի հարձակվող Վիտոր Ռոկեի մասին։
«Ռոկե՞ն. Կարծում եմ՝ դուք արդեն սպանել էիք տղային, քանի դեռ նա չէր սկսել խաղալ։ Մենք նրա համար վճարել ենք 30 միլիոն եվրո, իսկ մնացածը կախված է նրա խաղից: Հուսով եմ, որ մենք պետք է բոնուսներ վճարենք, ինչպես դա արեցինք Պեդրիի հետ:
Ռոկեն ռմբարկու է, բայց այլ բնույթի, ի տարբերություն Գիուի: Մենք չունենք մեկին, ով գրոհում է տարածության միջով, և մենք ցանկանում ենք, որ նա դա անի այնպես, ինչպես Սուարեսն ու Էտո’Օն՝ առանց համեմատության»,- Դեկուի խոսքերն է մեջբերում La Vanguardia-ն։
Հիշեցնենք, որ բրազիլացի հարձակվողը «Բարսելոնային» է միացել այս ձմռանը: Այս ընթացքում 18-ամյա հարձակվողը հասցրել է մասնակցել յոթ հանդիպման, որոնցում դարձել է երկու գոլի հեղինակ։ Ֆուտբոլիստի ներկայիս աշխատանքային պայմանագիրն ակումբի հետ ուժի մեջ է մինչև 2031 թվականի ամառը:
Transfermarkt պորտալում ներկայացված տեղեկատվության համաձայն՝ Ռոկեի շուկայական արժեքը կազմում է 40 միլիոն եվրո: