Չավին ասել է, որ «Բարսայում» աշխատելը չարժե այն խնդիրներին, որ այն բերում է:
Հունվարի վերջին «Վիլյառեալից» կրած 3-5 հաշվով պարտությունից հետո մարզիչը հայտարարեց, որ մրցաշրջանի ավարտից հետո կհեռանա «Բարսելոնայից»։
«Ես հեռանում եմ, քանի որ երկուսուկես տարի անցկացրեցի այս պաշտոնում և հասկացա, որ «Բարսելոնայի» մարզիչ լինելն այդքան չարժե: Ես այդպես եմ մտածում։
Ամեն օր պայքարում ես ամեն ինչի դեմ, դա հյուծիչ է։ Չես կարող վայելել կյանքը: Ես տեսել եմ, թե ինչպես են այս ակումբում մարզիչները տառապում ու դժվարություններ ապրում, նույնիսկ երբ հաղթում են։ Մարզիչները հաղթեցին Չեմպիոնների լիգան, բայց նրանց հանդեպ, այնուամենայնիվ, դեռ կասկածներ կային: Այս շաբաթ ես դա քննարկեցի Հագոբա Արասատեի հետ («Օսասունայի» մարզիչ՝ ArmSport): Եվ նա ասաց, որ վայելում է աշխատելը երկուշաբթիից ուրբաթ: Դե ինչ, ես՝ ոչ:
Այլ երկրներում՝ Անգլիայում, Գերմանիայում կամ Իտալիայում, կարող ես վայելել գործընթացը: Այստեղ… ես այդպես չեմ կարծում»,-Չավիի խոսքերն է փոխանցում The Athletic-ը։