«Բարսելոնայի» նախագահ Ժոան Լապորտան խոսել է իսպանական Պրիմերայի ընթացիկ խաղարկությունում կատալոնական թիմի հավակնությունների մասին։
Հիշեցնենք, որ չորեքշաբթի՝ հունվարի 24-ին, թիմը դուրս մնաց Իսպանիայի գավաթի խաղարկությունից՝ դրամատիկ խաղում պարտվելով Բիլբաոյի «Ատլետիկին» (2:4):
«Կարծում եմ, որ մենք շարունակում ենք մնալ Լա Լիգայում հաղթելու թեկնած մնալ։ Շատ դժվար է լինելու, բայց ես հավատում եմ դրան։
Միշտ համաձայն եմ Չավիի հետ, վստահ եմ, որ Բարսան մեծ հաջողությունների կհասնի մրցաշրջանի երկրորդ հատվածում։ Մենք պատրաստ կլինենք միավորներ վաստակել յուրաքանչյուր խաղում, որպեսզի ի վերջո հաղթենք Լա Լիգայում»,- Լապորտայի խոսքերն է մեջբերում Mundo Deportivo-ն։
Հիշեցնենք, որ «Բարսելոնան» այժմ զբաղեցնում է Իսպանիայի առաջնության մրցաշարային աղյուսակի երրորդ հորիզոնականը: Չավիի թիմը 20 տուրից հետո վաստակել է 44 միավոր։ Առաջատար «Ժիրոնայից» տարբերությունը ութ միավոր է:
