Folha de Pernambuco պորտալը, հղում անելով TyC Sports-ին, հայտնել է, թե ինչ արտահայտություն է ասել բրազիլացի հարձակվող Ռոդրիգոն՝ ի պատասխան Արգենտինայի հավաքականի առաջատար Լիոնել Մեսսիի նկատառմանը. «Մենք աշխարհի չեմպիոններ ենք, ինչո՞ւ ենք վախկոտ։ Զգույշ եղեք ձեր խոսքերի մեջ»:
Հիշեցնենք, որ Բրազիլիայի և Արգենտինայի հավաքականների միջև հանդիպումից առաջ տրիբունաներում երկրպագուների և ոստիկանների միջև տեղի ունեցած բախումների կապակցությամբ Արգենտինայի հավաքականի ֆուտբոլիստները որոշել էին վերադառնալ հանդերձարան։ Արդյունքում հանդիպումը սկսվել էր նախատեսվածից կես ժամ ուշացումով։
Խաղադաշտ վերադառնալուց հետո Մեսսին լեզվակռվի մեջ էր մտել Ռոդրիգոյի հետ։ TyC Sports պորտալն ավելի վաղ պատմել էր, թե ինչ արտահայտություններ են փոխանակել ֆուտբոլիստներն այն ժամանակ։
«Դուք վախկոտ եք»,- ասել էր բրազիլացին Մեսսիին՝ խաղադաշտ վերադառնալուց հետո:
«Մենք աշխարհի չեմպիոններ ենք, ինչո՞ւ ենք վախկոտ. Ուշադիր եղեք ձեր լեզվին»,- պատասխանել էր Մեսսին։
Folha de Pernambuco-ն, հղում անելով TyC Sports-ին, ավելացնում է, որ ի պատասխան այս դիտողության՝ Ռոդրիգոն հեգնական արտահայտություն է արել վերջին մրցաշարում Արգենտինայի հաղթանակի մասին։
«Աշխարհի չեմպիոններ, չէ՞: Մենք բոլորս գիտենք, թե ինչպես դուք հաղթեցիք»,- ասել է Ռոդրիգոն:
Արգենտինան նվազագույն հաշվով հաղթել է Բրազիլիային Օտամենդիի՝ 63-րդ րոպեին խփած գոլի շնորհիվ։ Արգենտինացիները գլխավորում են Հարավային Ամերիկայում կայանալիք աշխարհի 2026 թվականի առաջնության ընտրական փուլի աղյուսակը՝ վեց հանդիպումների արդյունքներով վաստակելով 15 միավոր։ Բրազիլիան զբաղեցնում է վեցերորդ տեղը։ «Սելեսաոն» ունի յոթ միավոր:
