Այսօր՝ հուլիսի 25-ին, կկայանա ընկերական հանդիպում, որում կհանդիպեն ՊՍԺ-ն ու «Ալ-Նասրը»։ Խաղը կկայանա Ճապոնիայի Օսակա քաղաքի «Նագայ» մարզադաշտում։ Հանդիպումը կմեկնարկի Երևանի ժամանակով 14:20-ին:
Նշենք, որ ՊՍԺ-ի աստղային հարձակվող Կիլիան Մբապեն այս հանդիպմանը չի մասնակցի: Լրատվամիջոցների տեղեկություններով՝ նա հեռացվել է Ճապոնիայում ուսումնամարզական հավաքներից՝ անորոշ ապագայի պատճառով: Ֆրանսիացին մտածում է ՊՍԺ-ից հեռանալու մասին, ինչը դժգոհություն է առաջացնում ակումբի ղեկավարության շրջանում։ Ինսայդերները հայտնում են, որ Մբապեի ծառայություններով հետաքրքրված են Մադրիդի «Ռեալը», «Բարսելոնան», «Լիվերպուլը» և Սաուդյան Արաբիային ներկայացնող Ալ-Հիլալը»։
Միաժամանակ, «Ալ-Նասրի» կազմում հանդիպմանը կարող է մասնակցել պորտուգալացի հարձակվող Կրիշտիանու Ռոնալդուն:
