«Բավարիայի» կիսապաշտպան Ջամալ Մուսիալան կարող է կարիերան շարունակել «Բարսելոնայում», հայտնում է Fichajes-ը։
Ըստ հրապարակման՝ կապտանռնագույնների գլխավոր մարզիչ Չավին կիսապաշտպանի հետ պայմանագիր կնքելու նախաձեռնողներից է։ Մասնագետը կարծում է, որ Մուսիալան ունի ներուժ՝ դառնալու աշխարհի լավագույն խաղացողներից մեկը։
20-ամյա կիսապաշտպանը «Բավարիայում» հանդես է գալիս 2020 թվականի ամառվանից։ Նրա գործող պայմանագիրը նախատեսված է մինչև 2026 թվականի ամառը։
Գերմանացի կիսապաշտպանն ընթացիկ մրցաշրջանում մյունխենյան ակումբի կազմում անցկացրել է 33 հանդիպում՝ դառնալով 12 գոլի և 10 գոլային փոխանցման հեղինակ: