Լևերկուզենի «Բայերի» պաշտպան Ժերեմի Ֆրիմպոնգը հայտնվել է «Բարսելոնայի» ուշադրության կենտրոնում, հայտնում է լրագրող Սանտի Օվալեն։
Աղբյուրի համաձայն՝ այսօր կատալոնական ակումբում քննարկվել են պաշտպանության աջ եզրն ուժեղացնելու հնարավոր տարբերակները։
Միակ խնդիրը, որը կխանգարի «Բարսելոնային» ձեռք բերել ֆուտբոլիստին, տրանսֆերային բարձր արժեքն է։
Հաղորդվում էր նաև, որ ֆուտբոլիստով հետաքրքրված են Մադրիդի «Ռեալը» և «Մանչեսթեր Յունայթեդը»:
Այս մրցաշրջանում պաշտպանը Լևերկուզենի «Բայերի» կազմում անցկացրել է 43 հանդիպում բոլոր մրցաշարերում՝ դառնալով 9 գոլի և 10 գոլային փոխանցման հեղինակ։ Նրա պայմանագիրը լևերկուզենյան ակումբի հետ ավարտվում է 2025 թվականի հունիսին։
