Հայաստանի հավաքականի և «Ռոստովի» կիսապաշտպան Խորեն Բայրամյանը Спорт-Экспресс-ի հետ զրույցում խոսել է ռոստովյան թիմի գլխավոր մարզիչ Վալերի Կարպինի հետ գրազի մասին, թե նրանցից ով ինչ պայմաններում կկտրի մազերը։
— 2020-ի վերջում նա ասաց. «Խորիկը ստիպված կլինի կտրել մազերը կամ մազերը վառ գույնով ներկել, եթե մինչև տարեվերջ երկու գոլ չխփի»: Ինչպե՞ս այդ ամենն ավարտվեց այն ժամանակ:
— Դուք ինձ տեսնում եք՝ ես դեռ մազեր ունեմ, հա հա՛:
— Այս ընթացքում հնարավոր էր աճել։
— Ի՞նչ եք կարծում, դա այդքան արագ է: Լավ, ամեն ինչ իմ օգտին ստացվեց։ Ինձ համար սա ինչ-որ լրացուցիչ մոտիվացիա էր, բայց այն մեկ ամսվա ընթացքում, որը նա ինձ տվեց, ես կարողացա երեք գոլ խփել և պահպանել մազերս։
— Վերջերս Դանիլ Գլեբովը «Коммент. Шоу»-ի ժամանակ ասաց ձեր նոր գրազի մասին Կարպինի հետ. «Եթե մենք մնանք լավագույն եռյակում, Գեորգիչը սափրում է մազերը։ Եթե ոչ, ապա Խորիկն է կտրում մազերը»։ Որտեղի՞ց է ծագել այս գրազը, ո՞վ է այն նախաձեռնել։
— Իսկ դրանից հետո Գեորգիչին հարցրին՝ տեսա՞ք, թե նա ինչ պատասխանեց։ Ասաց, որ չի կտրի իր մազերը: Փաստորեն, գրազը, որպես այդպիսին, չի եղել։ Դանյան, հավանաբար, ինչ-որ բան սխալ է հասկացել։ Որովհետև, երբ մենք խոսում էինք այդ մասին, այնտեղ շատ մարդ կար, ինչ-որ մեկը մի բան ասաց: Կոնկրետ գրազ չի եղել։ Անցյալ անգամ, այո, այդպես էր:
— Կարպինը երբևէ կատարե՞լ է գրազի պայմանները, եթե պարտվել է:
— Ես չեմ հիշում, որ նա հաճախ գրազ է եկել։ Միայն մի պահ՝ մազերիս առումով, բայց ինձ համար ամեն ինչ բարեհաջող ավարտվեց։ Եվ նույնիսկ եթե գրազ է եկել, ապա՝ ռեստորանում հյուրասիրության վրա: Այդ ժամանակ նա կատարում էր գրազի պայմանները։
— Թա՞նկ է քեզ համար քո յուրահատուկ սանրվածքը:
— Եթե ես չեմ կտրում մազերս, ապա այո, հա՜-հա՛: Կարպինը դա գիտի, ուստի ուզում է կտրել մազերս։
— Ի՞նչ պատրաստ կլինես անել, եթե դառնաք Ռուսաստանի չեմպիոն։
— Չգիտեմ: Ի՞նչ կառաջարկեք։
— Պատրա՞ստ ես կտրել քո մազերը:
— Եթե չեմպիոն դառնանք, ուրեմն մազերս կկտրեմ՝ երկու հարյուր տոկոս։
ՌՊԼ-ի մրցաշարային աղյուսակի առաջին տեղում «Զենիթն» է։ Սանկտ Պետերբուրգի թիմը 21 տուրում վաստակել է 51 միավոր։ Երկրորդ տեղը զբաղեցնում է «Ռոստովը» 41 միավորով՝ մեկ խաղ պակաս ունենալով իր ակտիվում։ Երրորդ տեղում «Սպարտակն» է, որը նույնպես 41 միավոր է վաստակել՝ 21 հանդիպում անցկացնելով։
