Դանիական ֆուտբոլի լեգենդ Միքայել Լաուդրուպը կիսվել է ՈՒԵՖԱ-ի Չեմպիոնների լիգայի ընթացիկ խաղարկությունում հաղթելու ակումբների հնարավորությունների մասին իր կարծիքով։
«Մրցաշարի ֆավորիտներն են «Բավարիան» և «Ռեալը»: «Մանչեսթեր Սիթին» ունի Հոլանդի գործոնը, սակայն մինչ այժմ նրանք ցույց չեն տվել, որ պատրաստ են հաղթել Չեմպիոնների լիգան։
Ինձ դուր է գալիս, որ «Ռեալի» խաղացողները երբեք խուճապի չեն մատնվում։ Ցանկացած թիմ շոկի մեջ կլինի, եթե 15 րոպեում երկու գոլ բաց թողնի Լիվերպուլում: Բայց Մադրիդը միշտ հավատում է իր ուժերին։ Դա նրանց ԴՆԹ-ում է»,- մեջբերում է Լաուդրուպին Marca-ն։
Հիշեցնենք, որ Մադրիդի «Ռեալը» ընդհանուր՝ 6-2 հաշվով հաղթեց «Լիվերպուլին» և քառորդ եզրափակիչում կխաղա «Չելսիի» հետ։ «Մանչեսթեր Սիթին» կհանդիպի Մյունխենի «Բավարիայի» հետ։