ՊՍԺ-ի նախագահ Նասեր Ալ-Խելայիֆին պատմել է, որ ակումբը կարող է տեղափոխվել «Պարկ դե Պրենս» մարզադաշտից, որտեղ հանդես է գալիս 1974 թվականից: Հաղորդվում է, որ ակումբը ցանկացել է ընդլայնել մարզադաշտը, սակայն մերժում է ստացել տեղի իշխանություններից.
«Մեր առաջին ընտրությունը մնալն է, բայց ես չեմ կարծում, թե քաղաքային խորհուրդը ցանկանում է, որ մենք մնանք: Նրանք ճնշում են գործադրում մեզ վրա, ցանկանում են, որ մենք հեռանանք: Մենք 5 տարի շարունակ նրանց հետ բանակցություններ ենք վարել: Ամեն անգամ նույն սուտ խոստումներն ենք լսում՝ այսօր, վաղը, այս ընտրություններին, հաջորդ ընտրություններին … այս ամենը մեզ հոգնեցրել է:
Մեզ արդարացի համաձայնագիր է անհրաժեշտ: Ես սիրում եմ «Պարկ դե Պրենսը», սա մեր պատմությունն է, և ես այն աշխարհում ամեն ինչից շատ եմ հարգում: Մենք միշտ ցանկացել ենք մնալ, բայց ես չեմ կարծում, թե մենք այնտեղ պետք ենք: Քաղաքային խորհուրդը կարծում է, որ մենք կատակում ենք, բայց դա այդպես չէ: Մենք իսկապես այլընտրանքային տարբերակներ ենք դիտարկում, քանի որ «Պարկ դե Պրենսում» մեզ չեն սպասում: Նրանք խաղում են մեզ հետ, իսկ մեզ դա հոգնեցրել է»,- Նասեր Ալ-Խելայիֆիի խոսքերն է փոխանցում Marca-ն:
