«Միլանի» շվեդ հարձակվող Զլատան Իբրահիմովիչը մեկնաբանել է ՊՍԺ-ի հարձակվող Կիլիան Մբապեի պահվածքը և նրա՝ փարիզյան թիմում մնալու և «Ռեալ» չտեղափոխվելու որոշումը․
«Ես անձամբ ծանոթ չեմ Մբապեի հետ, բայց որպես ֆուտբոլիստ՝ նա ֆանտաստիկ է։ Բայց երբ դու կորցնում ես կարգապահությունդ, կորցնում ես անհատականությունդ։ Կա պատճառ, ըստ որի Զիդանը Զիդանն է։ Մբապեն ցանկանում է նմանակե՞լ նրան․ նա պետք է ցանկանա աճ գրանցել, չբավարարվի ունեցածով։
Նա ճիշտ որոշում կայացրեց Փարիզի, և ոչ իր համար։ Նա ստեղծեց մի իրավիճակ, երբ ինքն ավելի կարևոր է , քան ակումբը։ Իսկ ակումբը դրա համար նրան տվեց բոլոր հնարավորությունները։ Բայց դու երբեք չես կարող լինել ավելին, քան ակումբն է։ Երբ երեխան ավելի ուժեղ է դառնում, նա կարող է հեշտորեն գումարներ վաստակել։
Պատճառը նրա ծնողների, փաստաբանների, գործակալների և մարզիչների մեջ է։ Խնդիրը նրանց մեջ է։ Դու կորցնում ես ինքդ քեզ և քո կարգապահությունը։ Հիմա նոր սերնդի ծնողները կարծում են, որ իրենք են աստղ դարձել։ Նրանք հարցազրույցներ են տալիս, բայց ո՞վ են նրանք։ Լռե՛ք․ Ձեր տղան պետք է աշխատի և լինի կարգապահ»,- Իբրահիմովիչի խոսքերն է փոխանցում Marca-ն։
