Չեմպիոնների լիգայի խմբային փուլի 4-րդ տուրում կայացան C խմբի հանդիպումները։
«Բարսելոնան» ընդունել էր «Ինտերին» և դրամատիկ պայքարում կարողացավ ոչ-ոքի՝ 3-3 հաշվով ավարտել հանդիպումը։
Հանդիպման հաշիվը բացվեց առաջին կեսի ավարտից 5 րոպե առաջ․ տանտերերի կազմում աչքի ընկավ Դեմբելեն։ Երկրորդ կեսի սկզբնամասում՝ 50-րդ րոպեին, Բարելան հավասարեցրեց հաշիվը։ 13 րոպե անց Լաուտարոն առաջ մղեց միլանյան թիմին։ 82-րդ րոպեին Լևանդովսկին կրկին հավասարեցրեց հաշիվը։ Խաղի հիմնական ժամանակի ավարտից մեկ րոպե առաջ Գոսենսը նորից առավելությունը տվեց միլանցիներին, բայց ավելացված երկրորդ րոպեին Լևանդովսկին կրկին փրկեց իր թիմին՝ հաշիվը դարձնելով 3-3:
Ավելացված ժամանակում միլանյան թիմի գլխավոր մարզիչ Ինձագին կարմիր քարտ ստացավ։
Հայաստանի ազգային հավաքականի նախկին ավագ Հենրիխ Մխիթարյանը միլանյան թիմի մեկնարկային կազմում էր և մասնակցեց ամբողջ հանդիպմանը։
Մյուս խաղում «Բավարիան» հյուրընկալվել էր Պլզենի «Վիկտորիային» և 4-2 հաշվով հաղթանակ տարավ։
Հանդիպման արդեն 10-րդ րոպեին Մանեն բացեց հանդիպման հաշիվը, իսկ 4 րոպե անց Մյուլերը կրկնապատկեց այն։ 25-րդ րոպեին նրա փոխանցումից հետո Գորեցկան հաշիվը դարձրեց խոշոր։ Տասը րոպե անց նա դուբլ ձևակերպեց։
Երկրորդ կեսում տանտերերը երկու գոլ խփեցին՝ կրճատելով հաշիվը, բայց ավելին անել չհաջողվեց։
Այս տուրից հետո խմբի առաջատարը «Բավարիան» է 12 միավորով, «Ինտերը» 7 միավորով երկրորդն է, «Բարսելոնան» 4 միավորով՝ երրորդը, իսկ «Վիկտորիան» միավոր չունի և եզրափակում է աղյուսակը։
