«Բարսելոնան» Լա լիգայի 7-րդ տուրում նվազագույն հաշվով հաղթել է «Մալյորկային»։ Հանդիպման միակ գոլը խփել է Ռոբերտ Լևանդովսկին։
Կատալոնական ակումբն արդեն 18 արտագնա խաղ անպարտելի է Չավիի գլխավորությամբ։ «Բարսելոնան» 13 հաղթանակ է տարել և 5 ոչ-ոքի գրանցել։
Չավին գերազանցել է Մադրիդի «Ռեալի» նախկին մարզիչ Զինեդին Զիդանի ցուցանիշը։ Մադրիդյան ակումբը ֆրանսիացու գլխավորությամբ 2016 թվականին անպարտելի էր արտագնա 17 խաղերում։