«Մանչեսթեր Յունայթեդն» ու ՊՍԺ-ն կպայքարեն «Յուվենտուսի» նախկին գլխավոր մարզիչ Մասիմիլիանո Ալեգրիի համար: Այս մասին հայտնում է Sport Mediaset-ը:
Աղբյուրի փոխանցմամբ, «Մանչեսթեր Յունայթեդը» հիմնական հավակնորդն է, եթե Ուլե-Գունար Սուլշերը հեռացվի:
ՊՍԺ-ի ղեկավարությունն, իր հերթին, ցանկանում է, որը թիմը հաջողություններ ունենա նաև Չեմպիոնների լիգայում: Եթե Թոմաս Տուխելին դա չհաջողվի, ֆրանսիական ակումբը բանակցություններ կսկսի Ալեգրիի հետ:
Ավելի վաղ հաղորդվում էր, որ «Յուվենտուսից» հեռանալուց հետո իտալացի մասնագետը դադար է վերցրել, քանի որ հետաքրքրված է ՄՅՈւ-ում աշխատանքի տարբերակով ու ուշադիր հետևում է անգլիական ակումբում տիրող իրավիճակին:
Ալեգրին 2014-ից 2019 թվականներին է աշխատել «Յուվենտուսում»: Թիմի հետ 5 անգամ դարձել է Իտալիայի չեմպիոն, 4 անգամ՝ երկրի գավաթակիր, 2 անգամ՝ սուպերգավաթակիր: