Դանի Ալվեշը հումորով է արձագանքել այն փաստին, որ Լեո Մեսսին կարող է շրջանցել իրեն նվաճած տիտղոսների քանակով։
Հուլիսի 31-ին Մեսսին ՊՍԺ-ի հետ նվաճեց Ֆրանսիայի Սուպերգավաթը։ Սա արգենտինացու կարիերայի 41-րդ տիտղոսն է։
Ավելի շատ տիտղոս ունի միայն Ալվեշը` 46: Այնուամենայնիվ, կարծիք կա, որ բրազիլացին ունի 42 տիտղոս: Կասկածի տակ են դրված Բահիայի նահանգի առաջնությունում հաղթանակը և 2001 թվականի Նորդեստեի գավաթը։ Բացի այդ, ոչ բոլորն են հաշվի առնում 2018 թվականի Ֆրանսիայի Սուպերգավաթը, քանի որ այդ խաղում Դանին չհայտնվեց ՊՍԺ-ի կազմում, և Ալվեշի հաղթանակը Բրազիլիայի հավաքականի հետ 2003 թվականի Աշխարհի երիտասարդական առաջնությունում։
Մեկնաբանելով բրազիլական լրատվամիջոցների լուրերը Մեսսիի՝ տիտղոսների քանակով Ալվեշին շրջանցելու հավանականության մասին, պաշտպանը գրել է. «Անհանգստանալու ոչինչ չկա։ Դա ևս մեկ գոլային փոխանցում է, որը ես տալիս եմ Մեսսիին»: