ՈւԵՖԱ-ի փոխնախագահ Միկելե Ուվան կարծիք է հայտնել Ստամբուլը 2019/20 մրցաշրջանի ՉԼ խաղարկության եզրափակիչն անցկացնելու իրավունքից զրկելու հավանականությունը:
Նմանատիպ կոչեր են ի հայտ եկել Սիրիայում թուրքական զորքերի կողմից սանձազերծված պատերազմի պատճառով:
«Եզրափակիչն անցկացնելու իրավունքից զրկելը լուրջ քայլ է:
Կարծում եմ՝ այս պահին չկա որևէ պայման, որպեսզի քննարկենք դա:
Բնականաբար, ՈւԵՖԱ-ի գործադիր կոմիտեն ու նախագահ Ալեքսանդր Չեֆերինը կգնահատեն իրավիճակը, բայց ինձ թվում է, որ հիմա չափազանց վաղ է այդ մակարդակի պատժամիջոցներ քննարկելու համար:
Իհարկե, ֆուբոլը չի կարող այնպիսի դիրք ընդունել, ասես ոչինչ չի կատարվում: Սպորտը, հատկապես ֆուտբոլը, կարևոր դեր է խաղում համաշխարհային մեդիայում, չի կարելի քաղաքական ազդեցություն թույլ տալ (խոսքն Ալբանիայի հետ խաղում Թուրքիայի հավաքականի ֆուտբոլիստների պահվածքի մասին է): Նման ժեստեր թույլ տալ չի կարելի», — Ուվայի խոսքերն է մեջբերել ANSA-ն: