ՈւԵՖԱ-ն որոշում է կայացրել Չեմպիոնների լիգայի ընթացիկ խաղարկության եզրափակիչ հանդիպումը Թուրքիայից տեղափոխել Անգլիա կամ Պորտուգալիա: Այս մասին Twitter-ի իր միկրոբլոգում հայտնել է իտալացի լրագրող Նիկոլո Շիրան:
ՈւԵՖԱ-ն որոշում է կայացրել Չեմպիոնների լիգայի եզրափակիչը «Ման Սիթիւ» և «Չելսիի» միջև Ստամբուլից տեղափոխել Լիսաբոն կամ Լոնդոն: Վերջնական որոշման մասին կհայտարարվի առաջիկա ժամերին:
Երեկ ՈւԵՖԱ-ն չմեկնաբանեց եզրափակիչ խաղը Անգլիա տեղափոխելու մասին շրջանառվող լուրերը։ Ավելի վաղ հաղորդվել էր, որ ՈւԵՖԱ-ն և Բրիտանիայի կառավարությունը քննարկում են եզրափակիչը Ստամբուլից տեղափոխելու հնարավորությունը, քանի որ Թուրքիան ընդգրկված է երկրների կարմիր ցուցակում, որտեղից վերադառնալիս պահանջվում է պարտադիր կարանտին: