Իսպանացի թենիսիստ Ռաֆայել Նադալն Ավստրալիայի Բաց առաջնության դրամատիկ եզրափակչում 5 սեթում առավելության հասավ ռուս Դանիլ Մեդվեդևի նկատմամբ ու հռչակվեց չեմպիոն՝ 21-րդ անգամ դառնալով Մեծ Սաղավարտի մրցումների հաղթող։
Հաղթանակից հետո Նադալը կիսվել է տպավորություններով․
«Անհավանական է, թե ինչպես կռվեցի և դիմադրեցի այն ամենից հետո, ինչ տեղի ունեցավ։ Ես շարունակեցի հավատալ ու ստացվեց պահել տրամադրվածությունը։ Սա կարիերայիս ամենակարևոր խաղերից մեկն էր։
Դանիլը հիանալի էր։ Ես մի քանի անգամ եղել եմ նրա դերում՝ 2012-ին և 2017-ին, երբ շատ մոտ էի հաղթանակին, բայց պարտվեցի։ Շատ եմ ցավում նրա համար։ Ստիպված եղա կռվել ու ահա նվաճեցի այս տիտղոսը։ Շատ գոհ եմ։
Ինչպե՞ս քամբեք արեցի․ երկու սեթից հետո շատ հոգնած էի։ Երկորդ սեթում շատ հնարավորություններ ունեցա, բայց ավելորդ նյարդային վիճակս խանգարեց ինձ։ Նույնն ինձ հետ եղավ նաև խաղի վերջում։ Դանիլը շատ խելացի է։ Նա հիանալի չեմպիոն է, և ապագայում դեռ շատ տիտղոսներ կնվաճի։
Իսկ ես պարզապես չեմ դադարում հավատալ։ Շատ եմ պարտվել այստեղ, անգամ այն ժամանակ, երբ առավելություն եմ ունեցել խաղի ընթացքում։ Եվ հնարավոր է, այսօր այն օրն էր, երբ դա պետք է ավարտվեր։ Ես հավատում էի ու այսօր արեցի դա, անգամ այն դեպքում, երբ այն գրեթե անհնարին էր թվում։ Չեմ կարողանում ինձ ներել, եթե մինչև վերջ չեմ պայքարում»,- ասել է Նադալը։
