Ռուսաստանը ներկայացնող թենիսիստ Կարեն Խաչանովը, ով Ավստրալիայի բաց առաջնության երրորդ շրջան է դուրս եկել ֆրանսիացի Բենջամին Բոնզիի նկատմամբ 6:4, 6:0, 7:5 հաշվով հաղթանակի շնորհիվ, կիսվել է հաջորդ փուլում Ռաֆայել Նադալի հետ հանդիպումից իր ակնկալիքներով։
«Ես սպասում էի և հույս ունեի, որ կհանդիպեմ Ռաֆային: Վերջին անգամ մենք նրա հետ խաղացել ենք Դևիսի գավաթում 2019 թվականին։ US Open-ում մենք մոտ 4,5 ժամ խաղացինք։ Իսկ մինչ այդ հանդիպել էինք Տորոնտոյում՝ կիսաեզրափակչում. վերջին երեք հանդիպումները շատ որակյալ էին։
Մենք նրա հետ չենք խաղացել արդեն մի քանի տարի, ուստի Նադալի հետ հանդիպելը շատ հետաքրքիր կլինի։
Ես շատ լավ եմ ինձ զգում. բավական քանակությամբ հանդիպումներ եմ անցկացրել այս մրցաշարին պատրաստվելու համար: Մարզավիճակի հետ կապված խնդիրներ չկան»,- Խաչանովի խոսքերն է մեջբերում Eurosport-ը։
Խաչանովի և Նադալի հանդիպումը տեղի կունենա հունվարի 21-ին։
