Բելգրադի թենիսի միության նախագահ, Սերբիայի թենիսի միության ղեկավար կոմիտեի անդամ Միլան Սլավկովիչը խոսել է աշխարհի առաջին ռակետ Նովակ Ջոկովիչի շուրջ ստեղծված իրավիճակի մասին։
Ավելի վաղ Ջոկովիչը, ով Ավստրալիա էր եկել մասնակցելու Australian Open-ին, վիզայի չեղարկման պատճառով ստիպված է եղել լքել երկիրը։
«Նովակ Ջոկովիչին արտաքսելու որոշումը զուտ քաղաքական բնույթ ունի՝ տեղական քաղաքական գործիչների համար էժանագին ժողովրդականություն ձեռք բերելու նպատակով։ Այս ֆարսից հետո Ավստրալիայի Բաց առաջնությունը պետք է վերանվանվի Ավստրալիայի Փակ առաջնություն։ Ասիա-խաղաղօվկիանոսյան Մեծ սաղավարտի մրցաշարը պետք է տեղափոխվի այս տարածաշրջանի իսկապես ազատ երկիր, օրինակ՝ Չինաստան, Ճապոնիա: Իսկ ինչո՞ւ ոչ՝ նաև Ռուսաստան։
Որ սա մաքուր քաղաքականություն է, վկայում է այն, որ մրցաշարում չեն ճանաչում ռուսական և չինական պատվաստանյութերը։ Ինչո՞ւ։ Ի՞նչն է պատճառը, որ ռուսական կամ չինական դեղամիջոցով պատվաստված թենիսիստները չեն կարող վիզա ստանալ։
Բելգրադի թենիսի միությունը և ամբողջ Սերբիան լիովին աջակցում են Նովակին, և մենք վստահ ենք, որ նա դեռ հնարավորություններ կունենա «Մեծ սաղավարտը» նվաճելու համար»,- Սլավկովիչի խոսքերն է մեջբերում ՏԱՍՍ-ը։