«Ռոմայի» մարզիչ Ժոզե Մոուրինյոյին Միլանում դիմավորել է «Ինտերի» ուլտրասը և հատուկ հուշանվեր հանձնել, հայտնում է Football Italia-ն:
Պորտուգալացին 2009-10 մրցաշրջանում «ներաձուրիի» հետ նվաճել է թրեբլ՝հաղթելով Իտալիայի առաջնությունը, Չեմպիոնների լիգան և Իտալիայի գավաթը:
Նա հեռացավ Չեմպիոնների լիգայի եզրափակչից անմիջապես հետո՝ գլխավորելու Մադրիդի «Ռեալը»:
Այնուամենայնիվ, «յուրահատուկը» մնացել է «Ինտերի» երկրպագուների սրտերում, և թիմի ուլտրասը, որը ներկայացնում է Curva Nord-ը, ողջունել է Մոուրինյոյին այսօր, երբ նա «Ռոմայի» հետ ժամանել է Ա Սերիայի շրջանակում «Միլանի» հետ խաղին:
Նրան հատուկ հուշատախտակ են նվիրել, որի վրա գրված է եղել.
«Պարոն Ժոզե Մոուրինյոյին: Ձեր մասնագիտական կարիերան ձեզ կտանի ամենուր, բայց դուք կաք և կմնաք մեզանից մեկը»:
Նա «Ռոմայի» ավտոբուսի մոտ ուրախ լուսանկարվել է «Ինտերի» երկրպագուների հետ և հուշատախտակն իր հետ տարել թիմի հյուրանոց:
La Curva Nord dell’#Inter ha voluto consegnare una targa a Jose #Mourinho, arrivato a Milano per #MilanRoma.
“A Mister Jose Mourinho. La tua carriera lavorativa ti potrà portare ovunque ma sei e resterai uno di noi” pic.twitter.com/8ULukyxZ9u
— Daniele Mari (@marifcinter) January 5, 2022