«Արարատ-Արմենիան» հունվարի վերջին կմեկնի Դուբայ, որտեղ ուսումնամարզական հավաք կանցկացնի:
Դուբայում նախատեսված ընկերական խաղերից մեկը երևանյան թիմը կանցկացնի «Սլովանի» հետ, որտեղ հանդես է գալիս Հայաստանի ազգային հավաքականի ֆուտբոլիստ Տիգրան Բարսեղյանը: Այս մասին հայտնում է «Սլովանի» պաշտոնական կայքը:
Այդ հանդիպումը նախատեսված է անցկացնել փետրվարի 1-ին:
Ձմեռային դադարից առաջ «Արարատ-Արմենիան» գլխավորում է Հայաստանի Պրեմիեր-լիգայի մրցաշարային աղյուսակը՝ 15 խաղից հետո վաստակած 40 միավորով:
Դադարից հետո առաջին խաղը «Արարատ-Արմենիան» կանցկացնի փետրվարի 19-ին՝ հյուրընկալվելիս մրցելով «Արարատի» հետ:
