VBET Ա-Լիգայի AIA Stars թիմի բասկետբոլիստ Բրենդան Անյանուն նոյեմբերին ամենաշատ՝ 240 միավորն է վաստակել, որից յուրաքանչյուրը 1 ԱՄՆ դոլարին համարժեք գումարի տեսքով ավելացել է VBET-ի նախաձեռնած Միավորվենք արշավի հաշվին: Այն ուղղվելու է բասկետբոլային խաղահրապարակի վերանորոգմանը:
Ա լիգայի կանոնավոր առաջնության մեկնարկից առաջ կայացած ասուլիսի ընթացքում տրվել էր բասկետբոլի զարգացմանն ուղղված նոր բարեգործական նախաձեռնության՝ «Միավորվենք» սոցիալական արշավի մեկնարկը։
Այս արշավի շրջանակում բոլոր թիմերը միավորվել են մեկ գաղափարի շուրջ՝ վերանորոգել ու կահավորել Հայաստանի ևս մեկ բասկետբոլային դահլիճ: Բոլոր խաղերի ընթացքում վաստակած միավորները բազմապատկվելու են 500 դրամով ու հավաքված գումարն ուղղվելու է դահլիճի վերակառուցմանը:
«Նոր սոցիալական ծրագիրը շատ ենք կարևորում ու վստահ ենք՝ զարկ կտանք բասկետբոլի զարգացմանը»,- ասել էր Vbet սպորտային համագործակցությունների ծրագրերի ղեկավար Կարեն Ռաֆայելյանը:
