Vbet Հայաստանի Պրեմիեր-լիգայի հերթական տուրում «Արարատը» սեփական հարկի տակ ընդունել է ԲԿՄԱ-ին և 2-1 հաշվով հաղթանակ տարել:
Հանդիպման հաշիվը խաղի արդեն 7-րդ րոպեին բացել է Սերժ Դեբլեն: Երկրորդ կեսի միջնամասում՝ 70-րդ րոպեին, ԲԿՄԱ-ի ֆուտբոլիստները հավասարեցրել են հաշիվը. աչքի է ընկել Դանիել Աղբալյանը: Վարդան Բիչախչյանի թիմին հաղթանակ է պարգևել Դիմիտրիյե Պոբուլիչը՝ 84-րդ րոպեին խփած գոլով:
Այս հաղթանակից հետո «Արարատն» իր միավորների թիվը հասցրել է 27-ի և զբաղեցնում է ՀՊԼ-ի մրցաշարային աղյուսակի 3-րդ հորիզոնականը: ԲԿՄԱ-ն 6 միավորով գտնվում է նախավերջին՝ 9-րդ տեղում:
Այսօր ավելի վաղ կայացած խաղում «Ալաշկերտը» հյուրընկալվելիս մրցել է «Նորավանքի» հետ և 2-0 հաշվով հաղթանակ տարել:
