«Կրասնոդարի» սեփականատեր Սերգեյ Գալիցկին կապ է հաստատել «Ռոմայի» կիսապաշտպան Հենրիխ Մխիթարյանի հետ, հայտնում է Матч ТВ-ն։
Հայ կիսապաշտպանը ձմռանը կարող է անվճար հեռանալ հռոմեական ակումբից՝ գլխավոր մարզիչ Ժոզե Մոուրինյուի հետ վերսկսված կոնֆլիկտի պատճառով։ Ֆուտբոլիստի և ակումբի միջև պայմանագրում կա պայմանավորվածություն, ըստ որի՝ Մխիթարյանը կարող է հեռանալ առանց փոխհատուցման, այս մասին Match TV-ին հայտնի է դարձել իտալական աղբյուրներից և ֆուտբոլիստի շրջապատից։
Հայ կիսապաշտպանը Գալիցկու առաջարկը մերժել է, նա մտադիր է Եվրոպայում մնալ ընտանեկան պատճառներով. Մխիթարյանը փոքր երեխա ունի, նրա ամբողջ ընտանիքը չի ցանկանում հեռանալ Եվրոպայից։
Матч ТВ-ին նաև հայտնի է դարձել, որ Մխիթարյանին ձեռք բերելու հարցում հետաքրքրված է նաև «Զենիթը», սակայն այդ ակումբը ևս մերժում է ստացել։ Մոսկվայի «Սպարտակը» չի դիտարկում ձմեռային տրանսֆերային պատուհանի համար խաղացողի թեկնածությունը։
Այս մրցաշրջանում 32-ամյա Մխիթարյանը անցկացրել է 16 հանդիպում, դարձել 2 գոլի և 4 գոլային փոխանցման հեղինակ։ Նրա պայմանագիրը հռոմեական ակումբի հետ ավարտվում է 2022 թվականի հունիսին, իսկ տրանսֆերային արժեքը գնահատվում է 15 միլիոն եվրո։
