«Մանչեսթեր Յունայթեդի» հարձակվող Կրիշտիանու Ռոնալդուն մեկնաբանել է իր թիմի հաղթանակը Չեմպիոնների լիգայի խմբային փուլի 2-րդ տուրի՝ «Վիլյառեալի» դեմ խաղում: Հանդիպումը կայացել է Մանչեսթերի «Օլդ Թրաֆորդ» մարզադաշտում և ավարտվել տանտերերի՝ 2-1 հաշվով հաղթանակով: Ռոնալդուն այդ խաղում խփել է իր թիմի հաղթական գնդակը՝ 90+5-րդ րոպեին.
«Խմբից դուրս գա՞լը. հիմա ամեն ինչ հնարավոր է, ամեն ինչ բաց է, ու մենք հավատում ենք, որ կանցնենք այս ամենի միջով: Ահա, թե ինչու ես վերադարձա: Ես շատ էի կարոտել այս ակումբը: Ես պատմություն եմ կերտել այս ակումբում ու ցանկանում եմ դա նորից անել: Պետք է շնորհակալություն հայտնեմ բոլոր երկրպագուներին ոչ միայն ինձ, այլև թիմին առաջ մղելու համար, ինչը շատ կարևոր էր հատկապես այս մրցաշրջանում»,- Ռոնալդուի խոսքերն է փոխանցում Metro-ն:
«Մանչեսթեր Յունայթեդը» երկու խաղից հետո 3 միավոր է վաստակել ու F խմբի մրցաշարային աղյուսակի 3-րդ հորիզոնականն է զբաղեցնում: «Վիլառեալը» 1 միավորով վերջին տեղում է: