Չեմպիոնների լիգայի խմբային փուլի երկրորդ տուրում «Յուվենտուսն» ընդունել էր «Չելսիին» ու նվազագույն հաշվով հաղթանակ տարավ։
Հանդիպման միակ գոլը 46-րդ րոպեին խփեց Կյեզան՝ Բերնարդեսկիի փոխանցումից հետո։ Թեև լոնդոնցիները դեռ մի ամբողջ խաղակես ունեին իրենց տրամադրության տակ, բայց չկարողացան բեկել հանդիպման ընթացքն ու Թուրինից կհեռանան ձեռնունայն։
Միաժամանակ ընթացող մյուս խաղում «Մանչեսթեր Յունայթեդն» ընդունել էր իսպանական «Վիլյառեալին» ու կամային հաղթանակ տարավ։ Առաջին կեսում գոլեր չարձանագրվեցին։ Հանդիպման հաշիվը 53-րդ րոպեին հյուրերի կազմում բացեց Ալկասերը, տանտերերը հաշիվը հավասարեցրին 7 րոպե անց․ աչքի ընկավ Տելլեսը։ «Կարմիր սատանաներին» հաղթանակ պարգևեց Կրիշտիանու Ռոնալդուն հիմնական ժամանակին ավելացված 5-րդ րոպեին։
Ի դեպ, սա Ռոնալդուի 178-րդ խաղն էր Չեմպիոնների լիգայում։ Այս ցուցանիշով նա ռեկորդակիր դարձավ։
