«Մանչեսթեր Յունայթեդի» նախկին ֆուտբոլիստ Գարի Նևիլը բացատրել է, թե ինչու է «Մանչեսթեր Յունայթեդի» հարձակվող Կրիշտիանու Ռոնալդուին, և ոչ թե ՊՍԺ-ի հարձակվող Լիոնել Մեսսիին, համարում բոլոր ժամանակների լավագույն ֆուտբոլիստ:
«Ակնհայտ է, որ Մեսսին ահռելի քանակությամբ գոլեր է խփել: Բայց Ռոնալդուն, հավանաբար, իր չաշխատող ոտքով 30-40 տոկոսով ավելի շատ գոլ է խփել և ավելի շատ տուգանայիններ իրացրեց: Սա ինձ հանգեցրեց այն եզրակացության, որ Ռոնալդուն այս խաղում առավել կայացած ֆուտբոլիստն է:
Նրա` միջազգային մակարդակով խփած գոլերի ռեկորդը նույնիսկ ավելի շատ է խոսում այս մասին: Եվ նաև այն, որ նա 5 անգամ հաղթել է Չեմպիոնների լիգան այն թիմերի հետ, որոնք այնքան էլ լավը չէին, որքան Մեսսիինը:
Մեսսին «Բարսելոնայի» կազմում ավելի հաճախ է եղել Իսպանիայի չեմպիոն, բայց ես կարծում եմ, որ Ռոնալդուի ՝ ազգային հավաքականում և Չեմպիոնների լիգայում խփած գոլերի ռեկորդը, ինչպես նաև նրա խփած գոլերի բազմազանությունը ինձ ստիպում են մտածել, որ նա ֆուտբոլի պատմության մեծագույն ֆուտբոլիստն է», – ասել է Նևիլը Sky Sports-ի եթերում:
