Ֆրանսիայի հավաքականում վատ մթնոլորտ է թիմի՝ առանց հաղթանակի անընդմեջ 5 խաղի ֆոնին։
Լ՛Equipe-ը պնդում է, որ «Ռեալի» հարձակվող Կարիմ Բենզեմայի՝ Ֆրանսիայի հավաքական վերադառնալուց հետո թիմի մթնոլորտը փոխվել է՝ չնայած այն դրական արդյունքին, որ հարձակվողը բերել է հավաքական (օրինակ, Եվրո-2020-ին Կարիմը 4 գոլ է խփել)։
Բացի դրանից, ֆրանսիացիների գլխավոր մարզիչ Դիդյե Դեշամը հիմա հեշտորեն ենթարկվում է խաղացողների ազդեցությանը, Ֆրանսիայի հավաքականում դիսցիպլինայի հետ խնդիրներ կան։ ԱԱ-2018-ից առաջ հավաքականի խաղացողները վախենում էին Դեշամից, բայց հաղթանակից հետո ֆուտբոլիստների ու մարզչի միջև դիստանցիան կրճատվեց, իսկ Դեշամի հեղինակությունն ընկավ։
Թիմի խաղացողները անմիաբանություն են զգում, դրա համար էլ ավագ Ուգո Լյորիսը Ուկրաինայի դեմ խաղից հետո (1-1) խոսել էր «նվիրվածության ու ագրեսիայի» պակասի մասին։ «Ատլետիկոյի» հարձակվող Անտուան Գրիզմանին էլ շփոթեցնում է այն, որ մարզիչը հաճախ է իրեն այս դիրքից այն դիրք տանում։
