Եվրո-2020. E խումբ. Իսպանացիներին դժվար ճանապարհ է սպասվում

ՖԻՖԱ-ի վարկանիշ՝ 6-րդ տեղ

Իսպանիայի ֆուտբոլի Ֆեդերացիան ՖԻՖԱ-ի անդամ է 1913 թվականից, ՈՒԵՖԱ-ի անդամ` 1954 թվականից: Իսպանիայի հավաքականը Եվրոպայի առաջնության հաղթող է դարձել 1964, 2008 և 2012 թվականներին և Եվրոպայի առաջին թիմն է, որին հաջողվել է երկու անգամ անընդմեջ նվաճել հին մայրցամաքի չեմպիոնի տիտղոսը: 2010 թվականին իսպանացիները նվաճեցին աշխարհի չեմպիոնի կոչումը՝ եզրափակիչ խաղում 1: 0 հաշվով հաղթելով Հոլանդիայի ընտրանուն:

2008-ի հուլիսին Իսպանիայի ընտրանին գլխավորեց ՖԻՖԱ-ի՝ ազգային հավաքականների դասակարգման աղյուսակը՝  դառնալով պատմության մեջ առաջին թիմը, որը գլխավորեց աղյուսակը՝  երբեք նվաճած չլինելով ԱԱ-ի գավաթը:

Ազգային հավաքականում ամենաշատ հանդիպումներ անցկացրել է Մադրիդի «Ռեալի» պաշտպան Սերխիո Ռամոսը, լավագույն ռմբարկուն Դավիդ Վիլյան է:

Եվրո-2020-ի որակավորման փուլ

Եվրո-2020-ի որակավորման փուլում Իսպանիայի հավաքականն ընդգրկված էր F խմբում, որտեղ գրավեց առաջին տեղը: Իսպանացիների հետ նույն խմբում էին նաև Շվեդիայի, Ռումինիայի, Նորվեգիայի, Ֆարերյան Կղզիների և Մալթայի հավաքականները: Իսպանացիներն անցկացրած 10 խաղից 8-ում հաղթեցին, ևս 2 խաղ ավարտեցին ոչ-ոքի ու խմբային փուլն ավարտեցին 26 միավորով:

 

Շվեդիայի ազգային հավաքական

Գլխավոր մարզիչ՝  Յան Անդերսոն

Լեհաստանի հավաքականն իր հաջողությունների գագաթնակետին է հասել 1970 թվականին: Այդ ժամանակահատվածում Լեհաստանը հասցրեց տանել իր ամենամեծ նվաճումը՝ հաղթանակ Բրազիլիայի ընտրանու դեմ։ Լեհերը պատմության մեջ ամենամեծ հաշվով հաղթանակը տարել են  2009 թ. ապրիլ 1-ին, սեփական հարկի տակ 10 գոլի առավելությամբ հաղթելով Սան-Մարինոյի ընտրանուն։ Ամենամեծ հաշվով պարտությունը կրել է հեռավոր 1948 թվականին,  0-8 հաշվով պարտվելով Դանիայի ընտրանուն:

Աշխարհի առաջնություններում Լեհաստանի հավաքականը լավագույն արդյունքը ցույց է տվել 1974 և 1982 թվականներին՝ գրավելով 3-րդ տեղը: Եվրոպայի առաջնություններում լավագույն արդյունքը եղել է 2016-ին: Այդ տարի լեհերը կարողացան հասնել մինչև քառորդ եզրափակիչ:

Եվրո-2020-ի ընտրական փուլում Լեհաստանի հավաքականը Ավստրիայի, Հյուիսիսային Մակեդոնիայի, Սլովենիայի, Իսրայելի և Լատվիայի հավաքականների հետ ընդգրկված էր G խմբում: Անցկացրած 10 խաղերում վաստակելով 25 միավոր՝ Լեհաստանի հավաքականը գրավել էր առաջին տեղը:

Գլխավոր մարզիչ՝ Շտեֆան Տարկովիչ

Սլովակիայի ֆուտբոլի հավաքականը ներկայացնում է Սլովակիայի Հանրապետությունը: Այն կազմավորվել է 1993 թվականին՝ Չեխոսլովակիայի փլուզումից հետո: Այդ տարվանից սլովակները կանոնավոր  մասնակցում են աշխարհի և Եվրոպայի առաջնությունների բոլոր ընտրական մրցաշարերին: Սլովակիայի հավաքականի լավագույն արդյունքը եղել է  2010 թվականին՝ աշխարհի գավաթի խաղարկության 1/8 եզրափակիչ դուրս գալը, որտեղ նրանք 1: 2 հաշվով պարտվեցին Նիդերլանդների ազգային թիմին:

Սլովակիայի հավաքականի համար սկզբունքային մրցակից է համարվում Չեխիայի հավաքականը:  Ընկերական խաղերից բացի, երկու թիմերը հանդիպել են 1998թ․ Աշխարհի գավաթի որակավորման փուլում. Բրատիսլավայում սլովակները հաղթեցին (2: 1), իսկ Պրահայում պարտվեցին (0:3):

Եվրոպայի 2008 թ. առաջնության ընտրական խաղերում Սլովակիայի հավաքականը երկու անգամ պարտվել է (0:3) և (1:3), իսկ Հարավաֆրիկյան Հանրապետությունում կայացած աշխարհի առաջնության ընտրական մրցաշարում սլովակներին հաջողվեց Պրահայում հաղթել չեխերին ( 2:1), իսկ Բրատիսլավայում՝ տանը, նրանք ոչ-ոքի խաղացին (2:2):

Եվրո-2020-ի ընտրական փուլում Սլովակները գրավեցին 3-րդ տեղը և միայն անցումային խաղերում հաղթելով Իռլանդիայի ու Հյուսիսային Իռլանդացիների հավաքականներին՝ կարողացան նվաճել Եվրոյի ուղեգիր:

E խմբի առաջին հանդիպումները տեղի կունենան հունիսի 14-ին: Լեհաստանը կմրցի Սլովակիայի, իսկ իսպանացիները՝ շվեդների հետ: Իհարկե, առաջին հայացքից Եվրոպայի եռակի չեմպիոնները պետք  է որ առանց լուրջ դժվարությունների դուրս գան խմբից, սակայն  հաշվի առնելով մյուս թիմերի կազմը, կարելի է ասել, որ իսպանացիներին ամենևին էլ հեշտ ճանապարհ չի սպասվում: Ի վերջո, ֆուտբոլում ամեն ինչ անկանխատեսելի է: 

Երվանդ ՀԱԿՈԲՅԱՆ