«Ատլետիկոյի» հարձակվող Լուիս Սուարեսը ահռելի ներդրում է ունեցել իր թիմի՝ իսպանական Լա Լիգայի ավարտված մրցաշրջանում գրանցած արդյունքների վրա, գրում է WhoScored-ը։
Սուարեսի՝ Պրիմերայում խփած վերջին 16 գոլերը «Ատլետիկոյին» 21 միավոր են պարգևել։
Ընդհանուր առմամբ, ուրուգվայցի հարձակվողը Պրիմերայի 32 խաղում դարձել է 21 գոլի և 3 գոլային փոխանցման հեղինակ։ «Վալյադոլիդի» հետ երեկ կայացած խաղում Սուարեսը խփեց իր թիմի հաղթական գնդակը՝ կամային հաղթանակ և չեմպիոնություն ապահովելով «Ատլետիկոյի» համար։
«Ատլետիկոն» 38 տուրից հետո 86 միավոր վաստակեց ու Պրիմերայի մրցաշարային աղյուսակի առաջին հորիզոնականը զբաղեցրեց՝ մոտակա հետապնդող «Ռեալին» գերազանցելով երկու միավորով։
