«Ռեալի» ու Բրազիլիայի հավաքականի նախկին պաշտպան ռոբերտո Կառլոսը խոստովանել է, որ մադրիդյան ակումբում հանդես գալու տարիներին ֆուտբոլիստներն իրենց թույլ էին տալիս վայելել կյանքը խաղադաշտից դուրս: Կառլոսը նաև պատմել է, որ առաջին իսկ օրերից ընկերացել էր իր հայրենակից Ռոնալդոյի հետ:
«Հիմա, երբ հիշում եմ այդ տարիներին տեղի ունեցած բաները, մտածում եմ՝ ինչպե՞ս էր մեզ հաջողվում ամեն ինչ անել:
Այդ ամբողջը խելահեղություն է: Ամեն խաղից հետո մեզ մասնավոր ինքնաթիռներ էին սպասում: Մենք հանդիպում էինք Մադրիդի օդանավակայանի փակ տերմինալում, Բեքհեմը թռչում էր մի ուղղությամբ, Ֆիգուն ու Զիդանը՝ մեկ այլ: Ռոնալդոն ու ես ուղևորվում էինք մի ուրիշ տեղ… Ու մենք միշտ մարզման էինք արդեն մեկ օր անց:
Ես աղոթում էի, որ խաղը լիներ շաբաթ օրը: Այդ դեպքում ես կկարողանայի կիրակի մեկնել Ֆորմուլա-1-ի ավտոարշավի: Ամենուր մասնավոր ինքնաթիռներ էին, խելագարություն էր:
Ռոնալդոյին առաջին անգամ հանդիպել եմ 1993 թվականին: Այդ ժամանակից ի վեր մենք միշտ ապրել ենք մի սենյակում: Ես նրա հետ ավելի հաճախ եմ քնել, քան կնոջս», – Կառլոսի խոսքերն է մեջբերել AS-ը:
