«Լիդս Յունայթեդի» գլխավոր մարզիչ Մարսելո Բիելսան ներողություն է խնդրել լրագրողներից՝ անգլերենին չտիրապետելու համար,
«Ես պետք է ներողություն խնդրեմ այն մարդկանցից, ովքեր ստիպված են ինձ լսել՝ այդպես էլ անգլերեն չսովորելու համար։ Անգլիական ֆուտբոլին հարմարվելու գործընթացում իմ ամենամեծ թերություններից մեկն այն է, որ ես չեմ կարողանում հաղորդակցվել այն լեզվով, որով խոսում են բոլորը։ Ինձ հուսահատեցնում է այն փաստը, որ ես այդպես էլ չկարողացա խոսել անգլերեն։ Մարզչի ամենակարևոր գործիքներից մեկը մտքերը բառերի միջոցով փոխանցելն է։
Ինձ առհասարակ դուր է գալիս գտնել կարճ ու կարևոր բառեր՝ իմ մտքերը հնարավորինս պարզ արտահայտելու համար՝ չկորցնելով դրանց իմաստը։ Բայց ինձ համար դժվար էր մտքերս պարզ ու հակիրճ արտահայտել իսպաներեն, ու ես որոշեցի այլևս դա չանել իմ մայրենի լեզվով։ Այսինքն, եթե ես չեմ կարողանում ինչ-որ բան ասել իսպաներեն, ինչպե՞ս դա կանեմ անգլերեն։ Ես ինքս չեմ հավատում նման բացատրության, բայց դա է իրականությունը»,- Բիելսայի խոսքերն է փոխանցում Goal-ը։