Անգլիայի Պրեմիեր Լիգայի 33-րդ տուրի շրջանակում «Արսենալն» ընդունել էր «Էվերթոնին»:
Առաջին խաղակեսում թիմերն աչքի չընկան արդյունավետ գործողությամբ: Երկրորդ խաղակեսի 31-րդ րոպեին Ռիչարլիսոնի փոխանցումից հետո Լենոն պատահմամբ գնդակն ուղարկեց սեփական դարպասը: Ինչպես հետագայում պարզվեց, դա խաղի միակ գնդակն էր ու Անչելոտիի թիմը նվազագույն հաշվով արտագնա հաղթանակ տոնեց:
Այս հաղթանակից հետո «Էվերթոնը» 52 միավորով 8-րդն է ու մեկ միավորով է հետ մնում «Լիվերպուլից», իսկ «Արսենալը» 46 միավորով 9-րդ տեղում է:
