«Ռեալ Մադրիդի» գլխավոր մարզիչ Զինեդին Զիդանը «Ռեալ Սոսիեդադի» դեմ երկուշաբթի երեկոյան կայանալիք հանդիպումից առաջ պատասխանել է լրագրողների հարցերին՝ անդրադառնալով մի շարք թեմաների։
«Ես պետք է բաշխեմ հասանելի րոպեները, ինչը հեշտ գործ չէ մարզչի համար։ Բայց մենք միշտ հույս ենք կապում Իսկոյի հետ։ Ու սա Իսկոյի մեղքը չէ, որ նա քիչ է խաղում։ Նա կարող է երկու, երեք դիրքերում խաղալ, ոչ 40 դիրքերում։ Նա ջանասիրաբար է աշխատում ու նրան համբերություն է պետք։ Նա պետք է պատրաստ լինի, որպեսզի դուրս գա դաշտ ու խաղա այնպես, ինչպես այն օրը («Ատալանտայի» հետ/խմբ․)։
Վնասվածքները անխուսափելի են ու կարող են պատահել թիմի հետ։ Մենք այս տարի բազմաթիվ վնասվածքներ ենք ունեցել։ Բայց ես դրական մարդ եմ ու հարցերին դրական եմ նայում։ Ես ուրախ եմ, որ մեր (ապաքինված/խմբ․) խաղացողները կամաց-կամաց վերադառնում են։ Վաղը կտեսնենք, թե ես ում կընտրեմ»,-Զիդանի խոսքն է մեջբերում Marca-ն։
Ֆրանսիացի մասնագետը խոսել է նաև «Ռեալ Սոսիեդադի» և չեմպիոնական մրցավազքի մասին․
«Նրանք թիմ են, որոնք գիտեն, թե ինչպես կարող են լավ խաղալ։ Մենք տանն ենք խաղալու ու ուզում ենք շարունակել միավորներ հավաքել։ Մրցաշրջանը երկար է, ու դեռ բազմաթիվ խաղեր կան։ Մենք դեռևս ոչինչ չենք հաղթել, այնպես որ պետք է շարունակել։
Ես չգիտեմ, թե ինչ կլինի այսօր («Վիլյառեալ» — «Ատլետիկո» խաղում/խմբ․)։ Մենք կարող ենք նայել այն որպես ֆուտբոլի երկրպագու, բայց մենք պետք է կենտրոնանանք մեր կատարման վրա։
Խաղարկության մեջ 42 միավոր կա։ Մենք կենտրոնացած ենք վաղվա վրա, միայն դա։ Մենք չենք մտածում երեք շաբաթ հետոյի մասին։
Տիտղոսի համար պայքարը բաց է։ Այսօր դուք ասում եք, որ այն երեք թիմի պայքար է, բայց վաղը դուք կարող եք այլ բան ասել։
Կրիտիկական պահերը այս թիմը հաղթահարում է»,-եզրափակել Զիդանը։
«Ռեալ Մադրիդ» — «Ռեալ Սոսիեդադ» խաղը կայանալու է երկուշաբթի երեկոյան՝ 23։55-ին։
