«Չելսիի» նախկին գլխավոր մարզիչ Ֆրենկ Լեմպարդը հնարավոր է առանց աշխատանքի երկար չմնա։ Անգլիացի մասնագետը հայտնվել է շոտլանդական «Սելթիկի» ուշադրության կենտրոնում, հաղորդում է Sky Sports-ը։
Լեմպարդը այս տարվա հունվարին հեռացվեց «Չելսիի» գլխավոր մարզչի պաշտոնից։ Նրան փոխարինեց Թոմաս Տուխելը։
Ավելի վաղ հայտնել էինք, որ «Սելթիկի» գլխավոր մարզչի թեկնածուների թվում են նաև Շոտլանդիայի հավաքականի գլխավոր մարզիչ Սթիվ Կլարկը, «Ռեալի» ու «Լիվերպուլի» նախկին մարզիչ Ռաֆայել Բենիտեսն ու Բելգիայի հավաքականի գլխավոր մարզիչ Ռոբերտո Մարտինեսը։ «»
Շոտլանդիայի առաջնության 30 տուրերից հետո «Սելթիկը» երկրորդ տեղում է ու հետ է մնում առաջատար «Ռեյնջերսից» 18 միավորով։
