Ձեր ուշադրությանն ենք ներկայացնում եվրոպական թոփ-5 առաջնությունների 20 ամենամեծ մարզադաշտերը, որտեղ իրենց հանդիպումներն են անցկացնում եվրոպական գրանդերը (և ոչ միայն գրանդերը)։
Իհարկե, եվրոպական այս երկրներում կան ևս մի շարք մեծ մարզադաշտեր, որոնք կարող էին տեղ գտնել մեր ցուցակում, բայց, կրկնվեմ, ցուցակում տեղ են գտել միայն ԱՊԼ-ի, Լա լիգայի, Ա Սերիայի, Բունդեսլիգայի և Լիգա 1-ի մասնակից ակումբների տնային մարզադաշերը։ Օրինակ, Լոնդոնի «Ուեմբլի» մարզադաշտը, որը տեղավորում է 90 000 հանդիսական, սակայն այնտեղ ոչ մի ակումբ չի անցկացնում իր տնային հանդիպումները։ Մարզադաշտում իր հանդիպումներն է անցկացնում Անգլիայի ազգային հավաքականը։
20․ «Էնֆիլդ» ․ 54 074 հանդիսական
Անգլիայի չեմպիոն «Լիվերպուլն» իր տնային հանդիպումներն անցկացնում է այս մարզադաշտում
19․ «Ստադիո Դիեգո Արմանդո Մարադոնա» ․ 54 726 հանդիսական
Մարզադաշտում իր հանդիպումներն է անցկացնում «Նապոլին»։ Նախկինում մարզադաշտը կոչվում էր «Սան Պաուլո», իսկ վերջերս այն վերանվանվել է ի պատիվ լեգենդար Դիեգո Մարադոնայի
18․ «Էթիհադ Ստադիում» ․ 55 017 հանդիսական
Այս մարզադաշտում իր հանդիպումներն է անցկացնում «Մանչեսթեր Սիթին»
17․ «Գրոուպամա Ստադիում» ․ 59 196 հանդիսական
Մարզադաշտում իր հանդիպումներն է անցկացնում «Լիոնը»
16․ «Բենիտո Վիլլամարին» ․ 59 378 հանդիսական
Սևիլյայում գտնվող մարզադաշտում իր հանդիպումներն է անցկացնում ոչ թե տեղի համանուն թիմը, այլ՝ «Բետիսը»։
15․ «Լոնդոն» Օլիմպիական մարզադաշտ․ 60 010 հանդիսական
Լոնդոնի Օլիմպական մարզադաշտը 99 տարով վարձակալել է «Վեսթ Հեմը» (2013 թվականից)
14․ «Մերսեդես Բենց Արենա» ․ 60 449 հանդիսական
Այս մարզադաշտում իր հանդիպումներն է անցկացնում «Շտուտգարտը»
13․ «Էմիրեյթս» ․ 60 704 հանդիսական
Եվս մեկ մարզադաշտ Լոնդոնում, որտեղ իր տնային հանդիպումներն է անցկացնում «Արսենալը»
12․ «Վելտինս Արենա» ․ 62 271 հանդիսական
Մարզադաշտում իր տնային հանդիպումներն է անցկացնում «Շալկե 04»-ը
11․ «Տոտենհեմ Հոթսփուր Ստադիում» ․ 62 850 հանդիսական
Լոնդոնի «Տոտենհեմի» մարզադաշտը ամենաժամանակակիցներից է մեր ցուցակում
10․ «Վելոդրոմ»․ 67 394 հանդիսական
Լիգա 1-ի ամենամեծ մարզադաշտը, որտեղ իր հանդիպումներն է անցկացնում «Մարսելը»
9․ «Վանդա Մետրոպոլիտանո»․ 68 456 հանդիսական
2011/17 թ․թ․ մարզադաշտը հիմնանորոգվել է։ Մարզադաշտում իր հանդիպումներն է անցկացնում «Ատլետիկոն»
8․ «Օլիմպիկո դի Ռոմա» ․ 73 261 հանդիսական
Մարզադաշտում իրենց հանդիպումներն են անցկացնում «Ռոման» և «Լացիոն»
7․ Բեռլինի Օլիմպիական մարզադաշտ․ 74 649 հանդիսական
Ինչպես և Հռոմի մարզադաշտում, այստեղ ևս ժամանակին անցկացվել է Օլիմպիական խաղեր։ Այժմ այստեղ իր տնային հանդիպումներն է անցկացնում «Հերտան»
6․ «Օլդ Թրաֆորդ»․ 74 897 հանդիսական
«Մանչեսթեր Յունայթեդի» մարզադաշտը ամենամեծն է ԱՊԼ-ում
5․ «Ալիանց Արենա»․ 75 024 հանդիսական
Այս մարզադաշտում իր տնային հանդիպումներն է անցկացնում գերմանական գրանդը՝ «Բավարիան»
4․ «Ջուզեպե Մեացա»/«Սան Սիրո» ․ 75 923 հանդիսական
Մարզադաշտում իրենց հանդիպումներն են անցկացնում միլանյան երկու գրանդերը՝ «Ինտերը» և «Միլանը»
3․ «Սանտիագու Բերնաբեու»․ 81 044 հանդիսական
Մարզադաշտում իր հանդիպումներն է անցկացնում «Ռեալը»
2․ «Սիգնալ Իդունա Պարկ»․ 81 365 հանդիսական
Ամենամեծ մարզադաշտը Գերմանիայում, որտեղ իր հանդիպումներն է անցկացնում Դորտմունդի «Բորուսիան»
1․ «Կամպ Նոու»․ 99 354 հանդիսական
Ամենամեծ մարզադաշտը թոփ-5 լիգաներում, որտեղ իր հանդիպումներն է անցկացնում «Բարսելոնան»
