«Ռեալի» գլխավոր մարզիչ Զինեդին Զիդանը «Ատլետիկին» Իսպանիայի սուպերգավաթի կիսաեզրափակիչում պարտվելուց հետո (1-2) կիսվել է տպավորություններով։
«Ի՞նչ եք ուզում, որ մենք լքե՞նք մրցաշրջանը։ Այդ դեպքում ավելի շատ արտաքին աղմուկ կլինի, բայց մենք շարունալեու ենք աշխատել։ Առաջին կեսը բարդ էր։ Մենք լավ չսկսեցինք, նրանք 2 գոլ խփեցին՝ ունենալով 2 շանս, ու դա բարդ է։
Մենք լավ չկարդացինք առաջին խաղակեսը։ Նրանք լավ էին պրեսինգի դիմում, ու մենք կորցնում էինք գնդակն այնտեղ, որտեղ հիմնականում դա չենք անում։ Մենք լավ երկրորդ կես ունեցանք, եղան պահեր, խփեցինք գոլ։
Թիմը փորձեց, բայց մենք պետք է թերթենք այս էջն ու շարունակենք աշխատել։ Մենք չենք կարող խելագարվել այս պարտությունից հետո։
Ազա՞րը։ Պետք է համբերատար լինել նրա հարցում։ Նա գոլ խփելու կարիք ունի, բայց պետք է համբերատար լինես։ Չեմ կարծում, որ երկրպագուները հոգնել են նրանից։ Նա ուզում է դուրս գալ այս վիճակից, բայց այսօր խնդիրը միայն Էդենը չէր։ Նա լավ խաղաց երկրորդ կեսում»,-Զիդանի խոսքն է մեջբերում Marca-ն։
