«Լոնդոնից վերադարձած պատվիրակության բոլոր անդամները գտնվում են բժիշկների անմիջական հսկողության ներքո:
Կորոնավիրուս է հայտնաբերվել Հայաստանի պատվիրակության հետ Լոնդոն մեկնած, բայց պատվիրակության անդամ չհանդիսացող եւ ֆեդերացիայի կողմից չհաստատված անձանց մոտ:
Ավելի ուշ պարզ է դարձել, որ վարակված կա նաեւ հավաքական թիմում,-ասված է Հայաստանի բռնցքամարտի ֆեդերացիայի ֆեյսբուքյան պաշտոնական էջում:
Հիշեցնենք, որ մարտի 14-ից Լոնդոնում մեկնարկած վարկանիշային մրցաշարը 3 օր անց դադարեցվեց կորոնավիրուսի պանդեմիայի պատճառով:
Ավելի վաղ ArmSport-ին տված հարցազրույցում Բռնցքամարտի հավաքականի գլխավոր մարզիչ Մեհրաբյանը նշել էր, որ առաջիկա 14 օրը մեր մարզիկները կլինեն հսկողության տակ։
Օրեր առաջ Թուրքիան ՄՕԿ-ին մեղադրել է պանդեմիայի շրջանում բռնցքամարտի վարկանիշային մրցաշար անցկացնելու ու բռնցքամարտիկներին վարակելու մեջ: Թուրքիայի բռնցքամարտի ֆեդերացիան վստահ է, որ իրենց բռնցքամարտիկի ու մարզչի՝ կորոնավիրուսով վարակվելը տեղի է ունեցել հենց Լոնդոնում՝ վարկանիշային մրցաշարի ժամանակ, որը պանդեմիայի պատճառով դադարեցվեց միայն մարտի 16-ին:
