Միլանի «Ինտերի» գլխավոր մարզիչ Անտոնիո Կոնտեն հայտարարել է, որ մինչ «ներաձուրիների» ղեկը ստանձնելը մերժել է «Ռոման» գլխավորելու առաջարկը։
«Ֆրանչեսկոյի (Տոտիի/խմբ․) հետ վաղեմի ընկերություն է։ Նա բացատրեց ինձ իրավիճակը ու ասաց «Ռոման» գլխավորելու հավանականության մասին։
Ես շատ հանգիստ կերպով գնահատեցի իրավիճակը և հասկացա, որ ժամանակը չէ։ Այդ պահին, սակայն, «Ինտերից» առաջարկ դեռևս չկար։ Այլ թիմերից ևս առաջարկներ չկային։ Ես որոշում կայացրի մերժել առաջարկը շատ հարգալից կերպով։ Գիտեմ, որ «Ռոման» մեծ ակումբ է, սակայն այդ պահին ժամանակը չէր։ Միգուցե ապագայում»,-Կոնտեի խոսքերն է մեջբերում Goal.com-ը։
Իտալիայի Ա սերիայի 15-րդ տուրի մեկնարկային խաղում «Ինտերը» հյուրընկալելու է «Ռոմային»։