Ֆուտբոլի Իսպանիայի առաջնության 5-րդ տուրի շրջանակում «Լևանտեն» ուժերն էր չափում «Ռեալ Մադրիդի» հետ։
16-րդ րոպեին երկրի գործող չեմպիոնները առաջ անցան հաշվի մեջ։ «Արքայական» թիմին առաջ մղեց Վինիսիուս Ժունիորը։ Թիմերն ընդմիջման գնացին «Ռեալի»՝ մեկ գնդակի առավելությամբ։
Երկրորդ կեսում «Լևանտեն» մի քանի անգամ կարող էր գրավել Տիբո Կուրտուայի դարպասը, սակայն բելգիացի դարպասապահը ոչ մեկ անգամ փրկեց իր թիմին։ Մրցավարի ավելացրած ժամանակի վերջին րոպեին «Ռեալի» առավելությունը կրկնապատկեց Կարիմ Բենզեման՝ խփելով մրցաշրջանում իր առաջին գոլը։
«Ռեալը» հաղթեց 2-0 հաշվով ու վաստակելով 10 միավոր՝ միանձնյա գլխավորեց մրցաշարային աղյուսակը։