Մադրիդի «Ռեալի» թուրք կիսապաշտպան Արդա Գյուլերը վերջնականապես ամրապնդել է իր դիրքերը Մադրիդի «Ռեալում»՝ դառնալով գլխավոր մարզիչ Ժոզե Մոուրինյուի առանցքային խաղացողներից մեկը։ Այս մասին հաղորդում է իսպանական Diario AS պարբերականը։
Աղբյուրի տեղեկություններով՝ 21-ամյա կիսապաշտպանը «սերուցքայինների» կազմում ընդգրկվել է այսպես կոչված «անձեռնմխելի» խաղացողների ցանկում՝ թիմի առաջատարներ Ֆեդերիկո Վալվերդեի, Ջուդ Բելինգեմի և Կիլիան Մբապեի հետ միասին։
Նշվում է, որ պորտուգալացի մասնագետը գործնականում չի փոխարինում թուրք ֆուտբոլիստին, քանի դեռ հանդիպման վերջնական ելքը վճռված չէ։
Գյուլերի աճող դերի ապացույցն էր նաև կատալոնական «Բարսելոնայի» դեմ կայացած վերջին Էլ Կլասիկոն (2-1)։ Ընթացիկ մրցաշրջանում առաջին անգամ Արդան խաղադաշտում անցկացրեց ամբողջ 90 րոպեն՝ առանց փոխարինման, և իր մասնակցությունն ունեցավ մադրիդցիների հաղթական գոլային գրոհի զարգացման գործում։
