«Ինտեր Մայամիի» հարձակվող և ավագ Լիոնել Մեսսին ժամանել է Արգենտինայի ազգային հավաքականի մարզաբազա՝ նախապատրաստվելու ազգային թիմի կազմում իր հրաժեշտի հանդիպմանը։
Ինչպես հայտնում է հայտնի լրագրող Ֆաբրիցիո Ռոմանոն, 39-ամյա լեգենդար ֆուտբոլիստը վերջին անգամ է հավաքականի ճամբար ժամանել որպես գործող խաղացող: Ավելի վաղ արգենտինացին հայտարարել էր միջազգային կարիերան ավարտելու որոշման մասին։
Հոկտեմբերի 6-ի լույս 7-ի գիշերը Արգենտինայի ընտրանին Բուենոս Այրեսի «Մոնումենտալ Անտոնիո Վեսպուչի Լիբերտի» մարզադաշտում ընկերական խաղ կանցկացնի Բենինի հավաքականի հետ։ Սպասվում է, որ հենց այս հանդիպումը կլինի վերջինը Մեսսիի համար՝ ազգային թիմի մարզաշապիկով։
Հիշեցնենք, որ Լիոնել Մեսսին Արգենտինայի հավաքականում հանդես է գալիս 2005 թվականից։ Այդ ընթացքում նա դարձել է աշխարհի չեմպիոն (2022), Ամերիկայի գավաթի կրկնակի հաղթող (2021, 2024) և Ֆինալիսիմայի գավաթակիր (2022)։ 2026 թվականի աշխարհի առաջնությունում հարձակվողը թիմի հետ հասավ մինչև եզրափակիչ, որտեղ արգենտինացիները նվազագույն՝ 0։1 հաշվով զիջեցին Իսպանիայի հավաքականին։
