Հայաստանի ազգային հավաքականի հայտացուցակում, որը նախապատրաստվում է Ազգերի լիգայի առաջիկա հանդիպումներին, հարկադրված փոփոխություն է տեղի ունեցել։
Ինչպես հայտնում է ՀՖՖ մամուլի ծառայությունը, «Արարատ-Արմենիայի» պաշտպան Էդգար Գրիգորյանը վնասվածքի պատճառով չի կարողանա օգնել ազգային թիմին։ Նրա փոխարեն հավաքականի գլխավոր մարզիչ Եղիշե Մելիքյանի որոշմամբ ազգային թիմ է հրավիրվել «Ուրարտուի» պաշտպան Խարիտոն Այվազյանը։
Հիշեցնենք, որ վնասվածքների պատճառով ավելի վաղ հրապարակված հայտացուցակից բացակայում էին նաև մի շարք այլ ֆուտբոլիստներ, որոնց թվում են Վահան Բիչախչյանը, Հրանտ-Լեոն Ռանոսը, Հովհաննես Հարությունյանը, Նորբերտո Բրիասկո Բալեկյանն ու Կամո Հովհաննիսյանը։
Եղիշե Մելիքյանի գլխավորած թիմն Ազգերի լիգայի C2 խմբի շրջանակում սեպտեմբերի 25-ին՝ ժամը 20։00-ին, Երևանի Վազգեն Սարգսյանի անվան «Հանրապետական» մարզադաշտում կընդունի Լատվիային, իսկ սեպտեմբերի 28-ին՝ Չեռնոգորիային։ Հոկտեմբերի 2-ին մեր ընտրանին արտագնա խաղում ուժերը կչափի Կիպրոսի հետ, իսկ 3 օր անց կհյուրընկալվի Չեռնոգորիային։
