Բրազիլիայի ազգային հավաքականի գլխավոր մարզիչ Կառլո Անչելոտին խոսել է թիմի նախկին հարձակվող Նեյմարի մասին, որն աշխարհի 2026 թվականի առաջնությունից հետո որոշում կայացրեց ավարտել միջազգային կարիերան։
«Իր որակների շնորհիվ նա միանգամայն արժանի էր մեկնելու աշխարհի առաջնությանը։ Նեյմարն արդեն հաստատել է, որ չի ցանկանում վերադառնալ հավաքական։ Նրան պարզապես անհնար է փոխարինել, քանի որ նա բացառիկ ու եզակի տաղանդ էր։ Նա անկրկնելի ֆուտբոլիստ է»,— իտալացի մասնագետի խոսքերն է մեջբերում CNN Brasil-ը։
Հիշեցնենք, որ Բրազիլիայի ազգային թիմի մարզաշապիկով Նեյմարն անցկացրել է 130 հանդիպում։ Այդ խաղերում աստղային հարձակվողն իր ակտիվում գրանցել է 80 գոլ և 59 արդյունավետ փոխանցում՝ շրջանցելով լեգենդար Պելեին և դառնալով «պենտակամպեոնների» բոլոր ժամանակների լավագույն ռմբարկուն։
Աշխարհի 2026 թվականի առաջնությունում բրազիլացիները լքեցին պայքարն արդեն 1/8 եզրափակիչում՝ 1-2 հաշվով անակնկալ պարտություն կրելով Նորվեգիայի հավաքականից։
