ԱՄՆ-ի Ատլանտա քաղաքի «Մերսեդես-Բենց» ստադիոնում ընթանում է ֆուտբոլի 2026 թվականի Աշխարհի առաջնության կիսաեզրափակչի Անգլիա — Արգենտինա հանդիպումը։
Խաղի երկրորդ կեսում անգլիացիներին հաջողվել է առաջ անցնել հաշվի մեջ. 55-րդ րոպեին Մորգան Ռոջերսի եզրային փոխանցումից հետո աչքի է ընկել Անգլիայի հավաքականի հարձակվող Էնթոնի Գորդոնը՝ դարձնելով հաշիվը 1։0։
Հանդիպումը սպասարկում է ամերիկացի մրցավար Իսմայիլ Էլֆաթի գլխավորած բրիգադը։
Հիշեցնենք, որ մրցաշարի նախորդ՝ քառորդ եզրափակիչ փուլում, անգլիացիները 2։1 հաշվով առավելության էին հասել Նորվեգիայի նկատմամբ, իսկ աշխարհի գործող չեմպիոն Արգենտինան 3։1 հաշվով հաղթել էր Շվեյցարիային։
Տեսանյութը՝ ԱՅՍՏԵՂ
Ավելի վաղ կայացած մյուս կիսաեզրափակչում Իսպանիայի ընտրանին 2։0 հաշվով պարտության էր մատնել Ֆրանսիային և նվաճել եզրափակչի ուղեգիր։ ԱԱ-2026-ի գլխավոր հանդիպումը կկայանա հուլիսի 19-ին։ Մրցաշարն անցկացվում է ԱՄՆ-ում, Կանադայում և Մեքսիկայում։
