Ֆրանսիայի ազգային հավաքականի և Մյունխենի «Բավարիայի» աստղ Մայքլ Օլիսեն, ըստ շրջանառվող լուրերի, բանակցություններ է պահանջել գերմանական ակումբի ղեկավարության հետ, մինչ Մադրիդի «Ռեալը» շարունակում է ակտիվ հետաքրքրություն ցուցաբերել կիսապաշտպանի նկատմամբ։
Ինչպես հաղորդում է El Debate պարբերականը, Օլիսեն պահանջել է Աշխարհի առաջնության ավարտից անմիջապես հետո հանդիպել «Բավարիայի» ղեկավար կազմի հետ՝ իր ապագան ու հետագա կարիերան քննարկելու նպատակով։
Ավելի վաղ հաղորդվում էր, որ Մադրիդի «Ռեալը» հետաքրքրված է վինգերով, սակայն «Բավարիան» մտադիր չէ բաց թողնել նրան։
2024 թվականի հուլիսին «Բավարիա» տեղափոխվելուց հետո 24-ամյա ֆուտբոլիստն իրեն դրսևորել է որպես աշխարհի լավագույն խաղացողներից մեկը։ Նախորդ մրցաշրջանում Օլիսեն գերմանական ակումբի կազմում անցկացրած 57 հանդիպումներում դարձել է 25 գոլի և 28 արդյունավետ փոխանցման հեղինակ։
