Շվեդիայի ազգային հավաքականի նախկին հարձակվող Զլատան Իբրահիմովիչը կիսվել է Արգենտինայի հավաքականի ավագ Լիոնել Մեսսիի խաղի վերաբերյալ իր տպավորություններով: ԱԱ-2026-ի 1/8 եզրափակիչում արգենտինացիները 3:2 հաշվով ծանր հաղթանակ էին տարել Եգիպտոսի նկատմամբ։
Fox Sports-ի եթերում խոսելով արգենտինացու ցուցադրած խաղի մասին՝ Իբրահիմովիչը նշել է.
«Մեսսին գազան է դարձել, և ոչ ոք չի կարող մոտենալ նրան. նա դիմադրում էր ու պայքարում: Այն, ինչ մենք տեսանք այսօր, հենց այն գազանն է, որին սովոր ենք տեսնել և շարունակում ենք տեսնել:
Հիշո՞ւմ եք՝ նա հաղթել է աշխարհի առաջնությունում, նվաճել է «Ոսկե գնդակն» ու բազմաթիվ այլ տիտղոսներ, նա հաղթել է ամեն ինչում: Նայեք նրա կարիերային. կտեսնեք, որ նա ունի ամեն ինչ, բայց միևնույն է՝ շարունակում է պայքարել»։
Հիշեցնենք, որ Եգիպտոսի դեմ խաղում Մեսսին դարձել էր գոլի և գոլային փոխանցման հեղինակ՝ 79-րդ րոպեին աչքի ընկնելով արդյունավետ փոխանցմամբ, իսկ 84-րդ րոպեին՝ գրավելով մրցակցի դարպասը:
